एमाले लम्कीचुहा नगर अधिवेशन-यस्तो छ बल बहादुर भण्डारीको टिम

नेकपा एमाले लम्कीचुहा नगर कमिटीको दोस्रो नगर अधिवेशन जेठ १९ गते एमालेका केन्द्रीय सचिव लेखराज भट्टले उद्धघाटन गरे । उद्धघाटन सत्रमा सहभागी प्राय सबै नेताहरूले सहमतिका साथ नेतृत्व चयन गर्ने प्रतिबद्धता जाएर गरे र सहमतिका लागी लामो समय पनि लिए तर सहमति हुने सम्भावना नभए पछि अहिले आएर २ वटा टिम चुनावी प्रतिस्पर्धामा जाने देखिएका छन् । बिहवार एमाले लम्कीचुहाका नेताहरू बसेर सहमतिका लागी प्रयास गरेको भएता पनि नेतृत्व सर्वसम्मत चयन गर्ने विषयमा नेताहरूका बिच सहमति नभएको एमालेका नगर स्तरीय एक नेताले संघीय न्युजलाई बताए ।

नेकपा एमाले लम्कीचुहा नगर कमिटीका पूर्व कार्यबहाक अध्यक्ष बल बहादुर भण्डारीको नेतृत्वमा एउटा अर्को टिम तयार भएको छ । सहमति नभए पछि लोकतान्त्रिक अभ्यास द्धारानै नेतृत्व चयनका लागी प्यानल सहित टिम तयार पारेको अध्यक्षका उम्मेदवार बल बहादुर भण्डारीले संघीय न्युज संगको संवादमा बताएका छन् । बल बहादुर भण्डारीको उपाध्यक्षमा मिना जैशी ,सचिवमा टेक बहादुर खड्का ,महिला उपसचिवमा विमला न्यौपाने र पुरुष उपसचिवमा घनश्याम डाँगी रहेका छन् । यस अघि शेर बहादुर विष्टको नेतृत्वमा एउटा टिम प्यानल सहित सार्वजनिक भएको थियो ।