एमाले लम्कीचुहा नगर अधिवेशन- टिम शेरबहादुर सार्वजनिक

नेकपा एमाले लम्कीचुहा नगर कमिटीको दोस्रो नगर अधिवेशन जेठ १९ गते एमालेका केन्द्रीय सचिव लेखराज भट्टले उद्धघाटन गरे । उद्धघाटन सत्रमा सहभागी प्राय सबै नेताहरूले सहमतिका साथ नेतृत्व चयन गर्ने प्रतिबद्धता जाएर गरे र सहमतिका लागी लामो समय पनि लिए तर सहमति हुने सम्भावना नभए पछि अहिले आएर २ वटा टिम चुनावी प्रतिस्पर्धामा जाने देखिएको छ । बिहवार एमाले लम्कीचुहाका नेताहरू बसेर सहमतिका लागी प्रयास गरेको भएता पनि नेतृत्व सर्वसम्मत चयन गर्ने विषयमा नेताहरूका बिच सहमति नभएको एमालेका नगर स्तरीय एक नेताले संघीय न्युजलाई बताए ।

नेकपा एमाले लम्कीचुहा नगर कमिटीका कार्यबहाक अध्यक्ष शेरबहादुर विष्टको नेतृत्वमा एउटा टिम सार्वजनिक भएको छ । सहमति नभए पछि लोकतान्त्रिक अभ्यास द्धारानै नेतृत्व चयनका लागी प्यानल सहित टिम तयार पारेको पदाधिकारीका एक उम्मेदवारले संघीय न्युज संगको संवादमा बताएका छन् । शेर बहादुर विष्टले सार्वजनिक गरेको टिमको उपाध्यक्षमा बल बहादुर खत्री,सचिवमा मीन बहादुर रावल,महिला उपसचिवमा तनु भण्डारी लिम्बु र पुरुष उपसचिवमा नारायण भण्डारी रहेका छन् । अर्को टिमले अध्यक्ष बाहेक अन्य पदाधिकारी यो समाचार तयार पार्दा सम्म तयार गरेको छैन ।

https://sanghiyanews.com/?p=2482