कृष्ण थापा
जेठ १८ /लम्की
नेकपा एमाले लम्कीचुहा नगर कमिटीको नगर अधिवेशन भोली जेठ १९ गते लम्कीमा हुँदै छ । लम्कीचुहा नगरपालिका वडा न.१ देख वडा न.१० सम्म गरी १४७ जना र आयोजक कमिटीका ५९ जना सदस्य सहित २०६ जना प्रतिनिधि नगर अधिवेशनमा सहभागी हुने छन् । वडा न.१,४,७ र ९ बाट नगर अधिवेशनमा प्रतिनिधि हुनेहरूको लिस्ट आउन बाँकी छ भने अन्य वडाले यो समाचार तयार पार्नु पूर्व नै प्रतिनिधीहरुको लिस्ट नगर कमिटीलाई बुझाई सकेको छ ।
अध्यक्षमा भण्डारी र विष्ट आकाँक्षी
नेकपा एमाले लम्कीचुहाको नगर अधिवेशन भोली जेठ १९ गते हुँदै छ । नगर कमिटीको अध्यक्षमा यो समाचार तयार पार्दा सम्म २ जनाले आकाँक्षा राखेका छन् । निर्वतमान नगर कमिटी उपाध्यक्ष बल बहादुर भण्डारी र नगर कमिटी सचिव तथा हालका कार्यवाहक अध्यक्ष शेरबहादुर विष्टले अध्यक्षमा आकाँक्षा जाहेर गरेको जानकारी संघीय न्युजलाई प्राप्त भएको छ । भण्डारी र विष्ट एमालेका सक्रिय कार्यकर्ता हुन । भण्डारी उपाध्यक्ष रहेको कमिटीका विष्ट सचिव हुन भण्डारी जिल्ला अधिवेशनमा जिल्ला सदस्यमा चुनाव लडे सँगै उनको नगर कमिटीको उपाध्यक्ष पद गएको थियो ।
About The Author
