कैलाली कारागारमा कैदी बन्दीहरू बिच झडप एक जनाको मृत्यु

कैलाली कारागारमा कैदी बन्दीहरू बिच कुटाकुट हुँदा एक जना कैदीको मृत्यु भएको छ ।  धनगढी ४ का कैदी बन्दी भरत चौधरीको कुटपिटबाट मृत्यु भएको हो  । कुटपिटमा घाइते भएका ४७ जना मध्य ३ तीन जनाको अवस्था गम्भीर रहेको  छ भने एक जनाको आइसियुमा उपचार भइरहेको छ ।

झडपका क्रममा घाइते भएका ४७ जनाको सेती प्रादेशिक अस्पताल धनगढीमा उपचार भइरहेको छ। कारागारको ए र बी ब्लकमा रहेका कैदी बन्दीबिच कुटाकुट भएको बताइएको छ। कैलालीको कारागारमा तनाव भएपछि घटनाको विवरण बुझ्न गएका सुरक्षा निकायका प्रमुखहरूलाई कैदी बन्दीहरूले घटनास्थलमा जानबाट रोकेका छन् ।

घटनाको विवरण बुझ्न पुगेको टोली घटनास्थल निरीक्षक नगरी फर्किएको छ । १५० कैदी बन्दी क्षमता भएको  कैलाली कारागारमा ७०० कैदी बन्दी छन् ।