3.9kViews
1555
Shares
मंसिर १९/ लम्की
कैलालीको लम्कीचुहा नगरपालिका वडा न. १० को चुहामा स्कुल बसको ठक्करबाट मोटरसाइकल चालको मृत्यु भएको छ । मृत्यु हुनेमा जोशिपुर गाउँपालिका वडा न.७ का वर्ष २२ का एकतन चौधरी रहेको इलाका प्रहरी कार्यालय लम्कीले जनाएको छ । मेटरसाइकलको पछाडी सवार लम्कीचुहा नगरपालिका वडा न.६ का विक्रम चौधरी घाइते भएको र उनको उपचार लम्की स्थित लालरत्न अस्पतालमा भइरहेको प्रहरीले जनाएको छ ।
बौनियाँमा रहेको सनराइज स्कुलको म.प.०३००१ क २९४१ नम्बरको बस चुहाको सुतैयामा बिद्याथीहरुलाई छोडेर बौनियाँ गइरहेको र चुहाबाट जोशिपुर गइरहेको से ३ प ४७९६ नम्बरको मोटरसाइकल एकआपसमा ठोक्कीएका थिए । बस र बस चालक घोडाघोडी नगरपालिका वडा न.२ बस्ने वर्ष ४० का भगिराम चौधरीलाई इलाका प्रहरी कार्यालय लम्कीले नियन्त्रणमा लिएको छ । दुर्घटना ५ बजे भएको प्रहरीले बताएको छ ।
About The Author
