किसान नेता स्वा.ओलीलाई सम्झँदै एमाले लम्कीचुहाले मनायो २१ औँ धान दिवस

नेकपा एमालेकाको भातृय संगठन अखिल नेपाल किसान महासंघका नेता स्वा.क्षेत्र बहादुर ओलीलाई सम्झँदै नेकपा एमाले लम्कीचुहा नगर कमिटीले २१ औँ राष्ट्रिय धान दिवस मनाएको छ । नेकपा एमालेका केन्द्रीय सदस्य एवम् पूर्व राष्ट्रिय सभा सदस्य कमला ओलीको उपस्थितिमा अखिल नेपाल किसान महासंघ लम्कीचुहा नगर कमिटीको समन्वयमा २१ औँ राष्ट्रिय धान दिवस मनाएको हो । लम्कीचुहा नगरपालिका वडा न.२ स्थित किसान नेता स्वा.ओलीकै छोरी कमला ओलीको खेतमा रोपाई गर्दै एमाले लम्कीचुहा नगर कमिटीले धान दिवस मनाएको हो । कार्यक्रममा एमालेका प्रदेश स्तरीय र जिल्ला स्तरीय नेताहरू सँगै नगर स्तरीय नेताहरूको उपस्थिति रहेको थियो ।

त्यस्तै नेपाली काँग्रेस लम्कीचुहा नगर कार्यसमितिले पनि २१ औँ राष्ट्रिय धान दिवस मनाएको छ । लम्कीचुहा नगरपालिका वडा न.१ स्थित थपालिपुरमा नेपाली काँग्रेसले धान दिवस मनाएको हो । कार्यक्रममा नेपाली काँग्रेसका नेताहरू हेम रावल,भक्त बहादुर थापा,क्षेत्रीय सभापति विष्णु ढकाल नगर सभापति इन्द्र कुँवर महिला नेतृ सुमन संज्याल लगायतका नेताहरूको उपस्थितिमा धान दिवस मनाइएको हो ।