माघ २६/टीकापुर
निजी तथा आवासीय विद्यालय अर्गनाइजेशन नेपाल (प्याब्सन) कैलालीको वार्षिक साधारण सभा सम्पन्न भएको छ । कैलालीको पुर्वी क्षेत्रमा पर्ने शैक्षिक नगरी टीकापुर स्थित बनाना रिसोर्टमा शुक्रबार प्याब्सन कैलालीको सधारण सभा सम्पन्न भएको हो ।
सुदूरपश्चिम प्रदेशका प्रदेश प्रमुख देवराज जोशीले शुक्रवार प्याब्सन कैलालीको साधारण सभालाई उद्धघाटन गरेका हुन । उद्धघाटन सभालाई सम्बोधन गर्दे प्रदेश प्रमुख जोशीले शिक्षा देश विकासको मेरुदण्ड भएको बताएका छन ।शिक्षा नीतिमा केहि परिवर्तन गर्नुपर्छ भन्नेमा आफू सकारात्मक रहेको प्रदेश प्रमुख जोशीले बताएका छन,राज्यले शिक्षा क्षेत्रमा व्यापक लगानी गर्नु पर्ने प्रदेश प्रमुख जोशीको धारण रहेको छ ।
कैलाली प्याब्सन जिल्ला अध्यक्ष टोपेन्द्र शाहको अध्यक्षतामा भएको वार्षिक साधारण सभामा प्याब्सन केन्द्रीय उपाध्यक्ष जगवीर थापा, प्याब्सन सुदूरपश्चिम प्रदेश अध्यक्ष ललितराज पन्त, केन्द्रीय सदस्य सीपी चन्द योगेन्द्र हमाल, डिल्लीराज बोहरा ,तेजराज खनाल ,टीकापुर बहुमुखी क्याम्पसका क्याम्पस प्रमुख ढविन्द्र रावल, वीरेन्द्र विद्या मन्दिर क्याम्पसका पूर्व प्रमुख हर्क बहादुर बिष्ट, डिल्लीराज रेग्मी, हरि रेग्मी, डा. आर शर्मा,लम्कीचुहा प्याब्सनका अध्यक्ष मोहन ढुंगाना,समाजसेवी ठक्कर बम लगायतले शुभकामना मन्तव्य राखेका थिए।
About The Author
